TË FUNDIT
Kthehu te lajmet
Kosovë

Arbitër rumun për Izrael–Kosovë, Radu Petrescu vendos drejtësi në Debrecen

UEFA ka caktuar Radu Petrescun si arbitër kryesor të ndeshjes Izrael–Kosovë, e vlefshme për raundin e tretë të Ligës së Kombeve.

Arbitër rumun për Izrael–Kosovë, Radu Petrescu vendos drejtësi në Debrecen

UEFA ka caktuar Radu Petrescun si arbitër kryesor të ndeshjes Izrael–Kosovë, e vlefshme për raundin e tretë të Ligës së Kombeve.

Takimi do të zhvillohet të enjten, më 1 tetor, në “Nagyerdei Stadion” të Debrecenit dhe do të nisë në orën 20:45.

Petrescu është pjesë e elitës së arbitrimit rumun që prej vitit 2007 dhe mban stemën e FIFA-s që nga viti 2012. Gjyqtari 43-vjeçar ka drejtuar ndeshje në disa nga kompeticionet më të rëndësishme europiane.

Në vitin 2022 ai debutoi në fazën e grupeve të Ligës së Kampioneve, duke arbitruar përballjen Viktoria Plzen–Barcelona. Petrescu ka drejtuar gjithashtu ndeshje jashtë Europës, përfshirë dy finale të Kupës së Egjiptit dhe takime të kampionatit të Katarit.

E gjithë trupa nga Rumania

Petrescu do të ndihmohet në vijat anësore nga Radu Ghinguleac dhe Cosmin Bojan. Florin Andrei është caktuar në rolin e arbitrit të katërt.

Në dhomën e VAR-it do të jetë Cătălin Popa, ndërsa Ovidiu Hațegan do të shërbejë si ndihmës i tij. Federata Rumune e Futbollit ka konfirmuar se e gjithë trupa e arbitrimit do të jetë rumune.

Christos Nicolaides nga Qipro do të jetë vëzhguesi i arbitrave, ndërsa slloveni David McDowell është emëruar delegat i UEFA-s.

Kosova dhe Izraeli hyjnë në këtë përballje me nevojën për pikë. Pas dy raundeve, “Dardanët” kanë tri pikë, ndërsa Izraeli ndodhet në fund të Grupit B3 pa asnjë pikë.