Egnatia ka siguruar pikën e parë në fazën e ligës të Ligës së Konferencës, por barazimi ndaj Midtjylland sjell edhe përfitime financiare për kampionët e Shqipërisë.
Skuadra e drejtuar nga Nevil Dede e nisi aventurën historike europiane me rezultatin 1-1 përballë ekipit danez, në takimin e zhvilluar në stadiumin “Elbasan Arena”.
Sipas skemës së shpërblimeve të UEFA-s, çdo barazim në këtë fazë të kompeticionit vlen 133 mijë euro, ndërsa një fitore shpërblehet me 400 mijë euro.
Kështu, përveç pikës së marrë në fushë, Egnatia siguron edhe 133 mijë euro të ardhura nga përballja me Midtjylland.
Tashmë mbetet për t'u parë se sa do të rriten përfitimet financiare të kampionëve shqiptarë gjatë vazhdimësisë së tyre në Ligën e Konferencës.




