TË FUNDIT
Kthehu te lajmet
Kombëtare

Berisha arrin Lorik Canën, vetëm Edvin Murati ka më shumë kartonë të kuq

Rikthimi i Etrit Berishës në formacionin titullar të Shqipërisë u mbyll pas vetëm 22 minutash. Portieri kuqezi u ndëshkua me karton të kuq në ndeshjen ndaj Finlandës, duke e lënë skuadrën në inferioritet numerik për pjesën më të madhe të takimit.

Berisha arrin Lorik Canën, vetëm Edvin Murati ka më shumë kartonë të kuq

Rikthimi i Etrit Berishës në formacionin titullar të Shqipërisë u mbyll pas vetëm 22 minutash. Portieri kuqezi u ndëshkua me karton të kuq në ndeshjen ndaj Finlandës, duke e lënë skuadrën në inferioritet numerik për pjesën më të madhe të takimit.

Berisha gaboi në nisjen e aksionit dhe më pas ndërhyri ndaj Oliver Antman, i cili po drejtohej drejt portës. Gjyqtari e konsideroi portierin lojtarin e fundit dhe e përjashtoi menjëherë.

Kartoni i dytë i kuq me Shqipërinë

Ky ishte përjashtimi i dytë i Berishës me fanellën kuqezi. Episodi i parë kishte ndodhur më 12 nëntor 2016, në ndeshjen kualifikuese ndaj Izraelit.

Në atë takim, portieri u përplas me Eran Zahavin brenda zonës dhe e goditi sulmuesin izraelit me kokë. Veprimi solli kartonin e kuq dhe një penallti për kundërshtarin.

Me dy përjashtime, Berisha barazon ish-kapitenin Lorik Cana në renditjen e futbollistëve me më shumë kartonë të kuq në historinë e Kombëtares.

Edvin Murati mban rekordin

Rekordi absolut vazhdon t’i përkasë Edvin Muratit, i cili është përjashtuar tri herë gjatë karrierës me Shqipërinë.

Ish-mesfushori mori dy kartonë të kuq në ndeshjet miqësore kundër Maltës dhe Finlandës, ndërsa përjashtimi tjetër erdhi në një takim zyrtar ndaj Gjermanisë.

Berisha renditet tashmë mes vetëm tre futbollistëve që kanë marrë më shumë se një karton të kuq me Kombëtaren. Një statistikë e padëshiruar, e regjistruar në një ndeshje ku rikthimi i tij si titullar përfundoi shumë më herët nga sa pritej.