TË FUNDIT
Kthehu te lajmet
Kombëtare

Bjellorusi-Shqipëri, Maran zgjedh titullarët! Dy ndryshime në formacion

Kombëtarja shqiptare ka publikuar formacionin zyrtar.

Bjellorusi-Shqipëri, Maran zgjedh titullarët! Dy ndryshime në formacion

Kombëtarja shqiptare ka publikuar formacionin zyrtar për përballjen me Bjellorusinë, ndeshjen e fundit të Grupit C1 në Ligën e Kombeve. Kuqezinjtë zbresin në fushë në Budapest, në orën 18:00, me objektivin për të siguruar vendin e parë dhe ngjitjen direkte në Ligën B.

Trajneri Rolando Maran ka bërë dy ndryshime në krahasim me ndeshjen e fituar 2-0 ndaj Finlandës, të diktuara nga mungesat e Ernest Muçit dhe Ylber Ramadanit.

Shehu zëvendëson Ramadanin, Hoxha merr vendin e Muçit

Në mesfushë, Maran i ka besuar Juljan Shehut, i cili do të zëvendësojë Ylber Ramadanin. Ky i fundit mungon për shkak të pezullimit nga kartonët.

Ndryshimi tjetër vjen në repartin ofensiv, ku Arbër Hoxha është përzgjedhur për të luajtur në mbështetje të Rey Manajt. Hoxha do të pozicionohet në të majtë, ndërsa Qazim Laçi zhvendoset në krahun e djathtë, aty ku veproi Ernest Muçi në takimin ndaj Finlandës.

Pjesa tjetër e formacionit mbetet e pandryshuar. Etrit Berisha do të mbrojë portën, ndërsa Berat Gjimshiti, Ardian Ismajli dhe Mario Mitaj formojnë repartin me tre mbrojtës.

Në krahë aktivizohen Elseid Hysaj dhe Stavro Pilo, ndërsa Kristjan Asllani do të luajë në qendër të mesfushës së bashku me Shehun.

Një barazim mjafton për vendin e parë

Shqipëria kryeson Grupin C1 me 12 pikë, dy më shumë se Bjellorusia. Për këtë arsye, kuqezinjve u mjafton edhe një barazim për ta përfunduar grupin në krye dhe për të siguruar ngjitjen direkte në Ligën B.

Nga ana tjetër, Bjellorusia ka nevojë për fitore për të përmbysur renditjen dhe për t'i rrëmbyer Shqipërisë vendin e parë.

Formacionet zyrtare

BJELLORUSIA: Lapukhov, Begunov, Volkov, Gomanov, Peçenin, Seljava, Ebong, Lukashov, Kontsevoi, Shumanski, Berkovski.

Trajner: Viktor Gonçarenko.

SHQIPËRIA (3-4-2-1): Berisha; Gjimshiti, Ismajli, Mitaj; Hysaj, Asllani, Shehu, Pilo; Laçi, Hoxha; Manaj.

Trajner: Rolando Maran.

Ndeshja: Bjellorusi-Shqipëri

Kompeticioni: Liga e Kombeve, Liga C, Grupi 1

Data dhe ora: 15 nëntor 2026, 18:00

Stadiumi: Illovszky Rudolf, Budapest.