TË FUNDIT
Kthehu te lajmet
Kombëtare

Çevoli sfidon kuqezinjtë para duelit: “Duhet të jemi më të inatosur se Shqipëria”

Trajneri i San Marinos, Roberto Çevoli, kërkon reagim nga skuadra e tij në përballjen me Shqipërinë.

Çevoli sfidon kuqezinjtë para duelit: “Duhet të jemi më të inatosur se Shqipëria”

Trajneri i San Marinos, Roberto Çevoli, kërkon reagim nga skuadra e tij në përballjen me Shqipërinë. Të dyja kombëtaret vijnë pas humbjeve në fundjavë, me San Marinon që u mund 4-0 nga Bjellorusia dhe kuqezinjtë që u mposhtën 2-1 në Finlandë.

Tekniku italian pranoi se pret një Shqipëri të motivuar, por kërkoi nga futbollistët e tij edhe më shumë dëshirë për të reaguar.

“Shqipëria e inatosur? Ne duhet të jemi më të inatosur se ata. Humbëm 4-0 një ndeshje që, pasi e analizuam, na shtoi edhe më shumë zemërimin. Mendoj se djemtë kanë reagimin e duhur për të bërë mirë”, deklaroi Çevoli.

Trajneri i San Marinos nuk përjashtoi ndryshimet në formacion, edhe pse konfirmoi se futbollistët e tij kanë rikuperuar pas ndeshjes së fundit.

“Djemtë janë mirë dhe kanë marrë veten. Tani duhet të bëjmë vlerësimet e duhura dhe të zgjedhim njëmbëdhjetëshen më të përshtatshme për këtë ndeshje”, përfundoi ai.