TË FUNDIT
Kthehu te lajmet
Kategoria Superiore

Dede pas fitores ndaj Vllaznisë: Mund të bënim më mirë

Nevil Dede ka vlerësuar fitoren 3-1 të Egnatias ndaj Vllaznisë.

Dede pas fitores ndaj Vllaznisë: Mund të bënim më mirë

Nevil Dede ka vlerësuar fitoren 3-1 të Egnatias ndaj Vllaznisë, por nuk i ka fshehur pakënaqësitë për disa momente të lojës së skuadrës së tij. Trajneri i rrogozhinasve pranoi se kundërshtari krijoi vështirësi, veçanërisht në organizimin e presionit, ndërsa theksoi rëndësinë e tri pikëve të siguruara.

Në prononcimin për emisionin “Super Gol”, Dede analizoi problemet taktike të Egnatias, rotacionin e kryer dhe ndikimin e angazhimit të ardhshëm në Ligën e Konferencës.

Dede vlerëson Vllazninë dhe pranon problemet në presion

Trajneri i Egnatias pranoi se shkodranët arritën të shfrytëzonin hapësirat e krijuara, ndërsa ndërhyrjet taktike të trajnerit kundërshtar ndikuan në zhvillimin e takimit.

“Vllaznia ka cilësi dhe kualitete, trajneri bëri lëvizjet e duhura. Po gabonim në presion. Ishim me një kohë vonesë dhe besoj se u çamë në gjysëm hapësirat, ishim me një kohë vonesë, në pasimi i golit të Balajt. Besoj se kontrolluam gjithçka. Në një ndeshje të tillë, do ketë edhe vështirësi. Ka konsum, ka dhe disa mendime në kokë. Jam i kënaqur me performancën dhe impenjimin e djemve. Mund të bënim më mirë, por rëndësi kanë pikët dhe mos humbasim fokusin.

Rotacioni dhe Liga e Konferencës, shqetësimet e trajnerit

Dede u ndal edhe te ngarkesa e skuadrës, që të enjten do të ketë një tjetër angazhim në Ligën e Konferencës. Sipas tij, ndryshimet e shumta në formacion ndikuan në koordinimin e lojtarëve, veçanërisht gjatë fazës së presionit.

Kemi dhe Ligën e Konferencës të enjten, nuk duhet të fshihemi pas gishtit. Dua ta pranoj që u rrit Vllaznia. Lojtarët prisnin kur do të zëvendësoheshin. Vllaznia na erdhi kokë më kokë me presion. Humbën kohën, kur duhet të bëheshin pika pasimi dhe kur duhet të ngriheshin lartë.

Asnjëherë trajnerit nuk i vjen mirë të dalin lojtarët bosh para portës dhe të godasin portën. Kur merr gola është akoma më e mërzitshme. Edhe në pjesën e parë, lëvizje të mëdhaja të Dros, Qato dhe Mehmetit. Na lindte për detyrë të bllokonim pikën e pasimit. Rotacioni ishte i madh sot, jo se djemtë nuk bënë mirë. Harmonizimi i bllokut të presionit në disa momente nuk shkon mirë”, deklaroi Nevil Dede.

Pavarësisht problemeve të evidentuara, Egnatia arriti të marrë tri pikët ndaj Vllaznisë. Për Deden, sfida e radhës mbetet ruajtja e përqendrimit dhe përmirësimi i organizimit të skuadrës, në një periudhë kur rrogozhinasit duhet të përballojnë angazhimet në kampionat dhe në Europë.