TË FUNDIT
Kthehu te lajmet
Kosovë

E bujshme, talenti i Bayern Munich zgjedh Kosovën dhe i thotë “jo” Gjermanisë

Yll Gashi ka vendosur të largohet nga përfaqësuesja U-19 e Gjermanisë për të vazhduar karrierën ndërkombëtare me Kosovën.

E bujshme, talenti i Bayern Munich zgjedh Kosovën dhe i thotë “jo” Gjermanisë

Yll Gashi ka vendosur të largohet nga përfaqësuesja U-19 e Gjermanisë për të vazhduar karrierën ndërkombëtare me Kosovën. Lajmi raportohet nga faqja e specializuar “AlbanianScout”, e cila e konsideron zgjedhjen e 18-vjeçarit si të përfunduar.

Bisedimet me presidentin e Federatës së Futbollit të Kosovës, Agim Ademi, dhe trajnerin Franco Foda raportohet se kanë qenë përcaktuese në vendimin e sulmuesit. Kontaktet e Fodës me talentin e Bayernit ishin raportuar që në vitin 2025, ndërsa Ademi konfirmoi gjatë verës së vitit 2026 se Kosova vazhdonte të punonte për afrimin e tij.

Gashi ishte kontaktuar më herët edhe nga Federata Shqiptare e Futbollit, por nuk dha një përgjigje pozitive. Familja e tij është shqiptare nga Kosova dhe kjo e bënte të mundur përfaqësimin e të dyja kombëtareve.

Sulmuesi ka lindur në Gjermani dhe është aktivizuar për përfaqësueset gjermane nga niveli U-16 deri te U-19. Në grumbullimin e fundit të shtatorit ai ishte ende pjesë e Gjermanisë U-19.

Në nivel klubesh, Gashi është pjesë e akademisë së Bayern Munich që prej vitit 2022 dhe tashmë luan me ekipin e dytë në Regionalliga Bayern. Ai ka nisur të fitojë më shumë hapësira dhe së fundmi dha asistin për golin e barazimit në ndeshjen kundër Greuther Fürth II.

Zgjedhja mbetet ende për t’u konfirmuar zyrtarisht nga lojtari ose Federata e Futbollit të Kosovës. Nëse procedurat për ndryshimin e përfaqësueses përfundojnë, Kosova do të shtojë në organikë një nga talentet më të vlerësuara shqiptare të brezit të tij.