TË FUNDIT
Kthehu te lajmet
Kategoria Superiore

Egnatia merr lajmin që priste, Dede me grupin e plotë para kampionatit dhe Europës

Egnatia hyn me forca të plota në një prej periudhave më të ngjeshura të sezonit.

Egnatia merr lajmin që priste, Dede me grupin e plotë para kampionatit dhe Europës

Egnatia hyn me forca të plota në një prej periudhave më të ngjeshura të sezonit. Trajneri Nevil Dede ka për herë të parë të gjithë grupin në dispozicion, pasi lojtarët që kishin probleme fizike janë rikuperuar.

Fernando, Bitri dhe Haime kanë lënë pas shqetësimet dhe janë të gatshëm për ndeshjet e ardhshme. Rikthimi i tyre vjen në një moment të rëndësishëm, pasi kampionët e Shqipërisë duhet t’i ndajnë energjitë mes “Abissnet Superiores” dhe Ligës së Konferencës.

Sfida e parë është ajo ndaj Laçit, që do të zhvillohet më 11 tetor në transfertë. Takimi është i vlefshëm për javën e gjashtë të kampionatit.

Vetëm katër ditë më vonë, më 15 tetor, Egnatia do të rikthehet në arenën europiane. Rrogozhinasit do të përballen me Midtjyllandin në stadiumin “Air Albania”.

Kalendari i ngjeshur do ta detyrojë Deden të menaxhojë me kujdes minutazhin e lojtarëve, por rikuperimi i të dëmtuarve i jep trajnerit më shumë alternativa për kampionatin dhe Europën.