Pas barazimit 1-1 ndaj Midtjylland në “Elbasan Arena”, Egnatia do të vijojë aventurën në fazën e ligës të Ligës së Konferencës me një tjetër përballje ndaj një kundërshtari nga Danimarka.
Skuadra rrogozhinase do të udhëtojë drejt Danimarkës më 22 tetor, ku do të përballet me Arhusin, kampionin në fuqi të vendit. Takimi është programuar të nisë në orën 21:00 dhe përfaqëson një tjetër provë të vështirë për Egnatian në kompeticionin europian.
Pas kësaj transferte, ekipi shqiptar do të zhvillojë edhe katër ndeshje të tjera gjatë muajve nëntor dhe dhjetor. Faza e ligës do të përfundojë më 17 dhjetor 2026, me përballjen në transfertë ndaj Bragës.
Kalendari i Egnatias në Ligën e Konferencës:
22 tetor: Arhus – Egnatia, ora 21:00
5 nëntor: Universitatea Krajova – Egnatia, ora 21:00
26 nëntor: Egnatia – Linkoln Red Imps, ora 18:45
10 dhjetor: Egnatia – Kauno Zalgiris, ora 21:00
17 dhjetor: Braga – Egnatia




