TË FUNDIT
Kthehu te lajmet
Kombëtare

Finlandë-Shqipëri, publikohen formacionet zyrtare

Shqipëria përballet sot me Finlandën në “Helsinki Olympic Stadium”, në ndeshjen e tretë të Grupit C1 në Ligën e Kombeve. Takimi nis në orën 15:00 dhe vendos përballë dy skuadrat që garojnë për kreun.

Finlandë-Shqipëri, publikohen formacionet zyrtare

Shqipëria përballet sot me Finlandën në “Helsinki Olympic Stadium”, në ndeshjen e tretë të Grupit C1 në Ligën e Kombeve. Takimi nis në orën 15:00 dhe vendos përballë dy skuadrat që garojnë për kreun.

Kuqezinjtë udhëheqin grupin me gjashtë pikë, dy më shumë se Finlanda. Një rezultat pozitiv në Helsinki do t’i lejonte lojtarët e Rolando Maranit të ruanin vendin e parë dhe të bënin një hap të rëndësishëm drejt objektivit.

Pesë ndryshime në formacion

Trajneri italian ka bërë pesë ndryshime krahasuar me skuadrën që e nisi nga minuta e parë në fitoren 3-0 ndaj San Marinos.

Etrit Berisha rikthehet në portë në vend të Alen Sherrit, ndërsa Elseid Hysaj merr pozicionin e Samuele Sinës në krahun e djathtë të mbrojtjes. Në formacion kthehet edhe Stavro Pilo.

Në mesfushë, Ylber Ramadani rimerr vendin e titullarit, duke zëvendësuar Juljan Shehun. Ndryshime ka edhe në repartin ofensiv, ku Arbër Hoxha do ta nisë ndeshjen nga minuta e parë.

Anis Mehmeti dhe Myrto Uzuni janë ulur në pankinë, pavarësisht se të dy shënuan në suksesin ndaj San Marinos.

Sina, Qefalija dhe Kerjota në tribunë

Samuele Sina, Klevi Qefalija dhe Sabah Kerjota nuk janë përfshirë në listën përfundimtare të ndeshjes. Në dispozicion të Maranit rikthehen Klisman Cake, Naser Aliji dhe Feta Fetai.

Përballja në Helsinki mund të ndikojë drejtpërdrejt në garën për vendin e parë, me Shqipërinë që kërkon fitoren e tretë në po aq ndeshje të këtij edicioni të Ligës së Kombeve.

FORMACIONET ZYRTARE

SHQIPËRI: Berisha; Hysaj, Ismajli, Gjimshiti, Pilo; Mitaj, Asllani, Ramadani, Hoxha, Muçi, Manaj.