TË FUNDIT
Kthehu te lajmet
Kombëtare

Humbja në Helsinki kushton në renditjen e FIFA-s, Shqipëria humbet dy pozicione

Disfata 2-1 ndaj Finlandës ka zbehur përfitimin e Shqipërisë nga dy fitoret e para në Ligën e Kombeve.

Humbja në Helsinki kushton në renditjen e FIFA-s, Shqipëria humbet dy pozicione

Disfata 2-1 ndaj Finlandës ka zbehur përfitimin e Shqipërisë nga dy fitoret e para në Ligën e Kombeve. Sipas projeksioneve të përditësuara të renditjes së FIFA-s, kuqezinjtë kanë humbur dy pozicione dhe pritet të rikthehen në vendin e 67-të.

Sukseset ndaj Bjellorusisë dhe San Marinos e kishin ndihmuar skuadrën e Rolando Maranit të ngjitej përkohësisht në klasifikimin “live”. Humbja në Helsinki, përballë një kundërshtari të afërt në nivel pikësh, e ka fshirë këtë progres.

Pozicioni i parashikuar tregon edhe një rënie krahasuar me fillimin e vitit, kur Shqipëria ndodhej në vendin e 63-të. Kuqezinjtë nuk kanë arritur të krijojnë vazhdimësi në rezultate për të fituar terren në klasifikimin botëror.

Fitorja ndaj San Marinos sjell pak pikë

Ndeshja e radhës do të luhet kundër San Marinos, përfaqësueses së fundit në renditjen e FIFA-s. Edhe në rast fitoreje, Shqipëria pritet të marrë shumë pak pikë për shkak të pozicionit të dobët të kundërshtarit.

Kuqezinjtë mund të humbasin më shumë terren nëse përfaqësueset që ndodhen pranë tyre marrin rezultate pozitive. Pozicioni përfundimtar do të konfirmohet vetëm me publikimin e renditjes së ardhshme zyrtare nga FIFA.