TË FUNDIT
Kthehu te lajmet
Bota

Italia përmbys Francën, Anglia dhe Spanja fitojnë! Bjellorusia ndjek Shqipërinë

Pesë ndeshje dhe 14 gola kanë karakterizuar mbrëmjen e Ligës së Kombeve.

Italia përmbys Francën, Anglia dhe Spanja fitojnë! Bjellorusia ndjek Shqipërinë

Pesë ndeshje dhe 14 gola kanë karakterizuar mbrëmjen e Ligës së Kombeve, ku nuk kanë munguar përmbysjet dhe rezultatet e rëndësishme. Italia ka marrë një fitore spektakolare 3-1 ndaj Francës, ndërsa Spanja dhe Anglia kanë triumfuar në përballjet e tyre në Ligën A.

Në Ligën C, Bjellorusia ka mposhtur 2-0 San Marinon, duke mbetur në garë për vendin e parë në grupin e Shqipërisë. Ndërkohë, Mali i Zi ka fituar 2-1 ndaj Letonisë, pavarësisht se luajti me dhjetë futbollistë.

Italia përmbys Francën, Esposito protagonist me dopietë

Italia ka siguruar një fitore të rëndësishme 3-1 ndaj Francës, duke përmbysur disavantazhin e pjesës së parë.

Francezët kaluan në avantazh që në minutën e dhjetë me Michael Olise, por italianët reaguan shpejt.

Francesco Pio Esposito barazoi rezultatin në minutën e 26-të, ndërsa Davide Frattesi përmbysi shifrat në të 63-ën.

Në minutën e 75-të, Esposito realizoi golin e tij të dytë personal, duke vulosur suksesin 3-1 të Italisë.

VIDEO: Golat e ndeshjes Itali-Francë

Spanja fiton në Çeki, Anglia mposht Kroacinë

Spanja ka marrë tri pikët në transfertën ndaj Çekisë, duke triumfuar 2-0.

Alex Baena zhbllokoi rezultatin në minutën e 39-të nga pika e bardhë e penalltisë, ndërsa Marc Pubill shënoi golin e dytë në minutën e gjashtë shtesë.

VIDEO: Golat e ndeshjes Çeki-Spanjë

Fitore ka regjistruar edhe Anglia, që mposhti Kroacinë 2-1 në shtëpi.

Morgan Rogers kaloi anglezët në avantazh në minutën e 24-t, por Petar Suçiç barazoi për kroatët në të 59-ën.

Vetëm pesë minuta më vonë, Harry Kane realizoi golin e fitores për Anglinë, duke vendosur rezultatin përfundimtar 2-1.

VIDEO: Golat e ndeshjes Angli-Kroaci

Bjellorusia fiton ndaj San Marinos, gjithçka vendoset me Shqipërinë

Në Grupin C1, Bjellorusia ka bërë detyrën ndaj San Marinos, duke fituar 2-0 në transfertë.

Miqtë zgjidhën gjithçka brenda 17 minutave të para. Gomanov zhbllokoi rezultatin në minutën e 13-të, ndërsa Kontsevoy dyfishoi avantazhin katër minuta më vonë.

Me këtë sukses, Bjellorusia ngjitet në kuotën e dhjetë pikëve, dy më pak se Shqipëria, që triumfoi 2-0 ndaj Finlandës.

Dy kombëtaret do të përballen më 15 nëntor në ndeshjen e fundit të grupit, ku do të përcaktohet edhe skuadra që siguron vendin e parë dhe ngjitjen në Ligën B.

Ndërkohë, Mali i Zi ka fituar 2-1 ndaj Letonisë në një tjetër përballje të Ligës C.

Krstoviç kaloi malazezët në avantazh në minutën e 70-të, por Melniks barazoi vetëm dy minuta më vonë. Goli vendimtar erdhi në minutën e parë shtesë, kur Maras i dha fitoren Malit të Zi, pavarësisht inferioritetit numerik.

Të gjitha rezultatet e Ligës së Kombeve

Liga

Ndeshja

Rezultati

A

Itali – Francë

3-1

A

Çeki – Spanjë

0-2

A

Angli – Kroaci

2-1

C

Mali i Zi – Letoni

2-1

C

San Marino – Bjellorusi

0-2