TË FUNDIT
Kthehu te lajmet
Kupa e Shqipërisë

Kupa e Shqipërisë, Flamurtari dhe Skënderbeu fitojnë thellë, Besëlidhja kualifikohet në shtesë

Flamurtari, Skënderbeu dhe Besëlidhja janë tri skuadrat e para që siguruan kalimin në raundin tjetër të Kupës së Shqipërisë. Gramshi, Naftëtari dhe Sopoti u eliminuan nga edicioni 2026/27.

Kupa e Shqipërisë, Flamurtari dhe Skënderbeu fitojnë thellë, Besëlidhja kualifikohet në shtesë

Flamurtari, Skënderbeu dhe Besëlidhja janë tri skuadrat e para që siguruan kalimin në raundin tjetër të Kupës së Shqipërisë. Gramshi, Naftëtari dhe Sopoti u eliminuan nga edicioni 2026/27.

Flamurtari dhe Skënderbeu nuk patën vështirësi, duke fituar me të njëjtin rezultat, 4-1. Besëlidhjes, ndërkohë, iu deshën shtesat për të mposhtur Sopotin 2-1.

Flamurtari zgjidh gjithçka që në fillim

Flamurtari e nisi fuqishëm ndeshjen ndaj Gramshit në stadiumin “Oriku”. Bary Arevalo zhbllokoi rezultatin në minutën e dytë, ndërsa Berisha shënoi dy herë brenda minutave 12 dhe 14.

Doku realizoi golin e katërt në minutën e 56-të, ndërsa Sadiq shënoi golin e vetëm të Gramshit në të 74-ën.

Flamurtari-Gramshi 4-1

Golat: Arevalo 2’, Berisha 12’, 14’, Doku 56’ / Sadiq 74’

Skënderbeu fiton me të njëjtat shifra

Edhe Skënderbeu kaloi pa probleme pengesën Naftëtari. Musa kaloi korçarët në avantazh që në minutën e dytë, përpara se Bismark dhe Braga ta çonin rezultatin në 3-0 brenda pjesës së parë.

Agalliu ngushtoi diferencën në minutën e 75-të, por Thomas vulosi rezultatin 4-1 në kohën shtesë.

Skënderbeu-Naftëtari 4-1

Golat: Musa 2’, Bismark 43’, Braga 44’, Thomas 90+1’ / Agalliu 75’

Besëlidhja feston në shtesë

Përballja më e luftuar ishte ajo mes Besëlidhjes dhe Sopotit. Hila shënoi me penallti në minutën e 25-të, ndërsa Jargavani barazoi po nga pika e bardhë shtatë minuta më vonë.

Sopoti luajti me dhjetë futbollistë që nga pjesa e parë, por arriti ta dërgonte ndeshjen në shtesë. Në minutën e 93-të, Marku realizoi golin që i dha Besëlidhjes fitoren dhe kualifikimin.

Besëlidhja-Sopoti 2-1 pas shtesave

Golat: Hila 25’ (p), Marku 93’ / Jargavani 32’ (p)