Silvinjo mund të rikthehet së shpejti në drejtimin e një skuadre kombëtare. Ish-trajneri i Shqipërisë ka nisur bisedimet me Federatën Bullgare të Futbollit për të marrë drejtimin e përfaqësueses së këtij vendi.
Tekniku brazilian nuk ka gjetur ende një angazhim të ri që prej largimit nga kuqezinjtë. Ai ka zhvilluar negociata me disa klube, por synimi i tij mbetet vazhdimi i karrierës në Europë, të cilën e konsideron qendrën e futbollit botëror.
Për këtë arsye, Silvinjo kishte refuzuar edhe mundësinë për të marrë drejtimin e Korinthiansit në Brazil. Kur pritej që aventura e tij e ardhshme të ishte në nivel klubesh, ka dalë në skenë mundësia për t’u ulur në stolin e Bullgarisë.
Përfaqësuesja bullgare po kalon një periudhë të vështirë. Nën drejtimin e Atanas Ribarskit, ajo ka regjistruar vetëm një fitore në katër ndeshjet e Ligës C në Nations League, pikërisht ndaj Luksemburgut.
Silvinjo nuk është kandidati i vetëm për postin. Federata Bullgare po shqyrton edhe emrat e Robert Prosineçkit dhe Eduard Iordănescut, përpara se të marrë vendimin përfundimtar.




