TË FUNDIT
Kthehu te lajmet
Kategoria Superiore

Leçe vijon përgatitjet për ndeshjen e radhës, ja situata e Medon Berishës

Medon Berisha ende nuk është rikthyer në stërvitje të plotë me Leçen.

Leçe vijon përgatitjet për ndeshjen e radhës, ja situata e Medon Berishës

Medon Berisha ende nuk është rikthyer në stërvitje të plotë me Leçen, teksa skuadra italiane po përgatitet për përballjen e së dielës ndaj Udineses, e programuar të nisë në orën 12:30.

Në seancën e zhvilluar në qendrën sportive të Martinjanos, futbollistët kryen ushtrime force, punë tekniko-taktike dhe ndeshje me objektiva të veçanta. Nikola Stuliç u bashkua me grupin, ndërsa Berisha dhe Elijah Skot vazhduan përgatitjet individuale. Ivan Iliç, i cili pësoi një dëmtim në kofshën e majtë kundër Bolonjës, iu nënshtrua terapisë.

Ndërkohë, mesfushori shqiptar ishte protagonist edhe jashtë fushës. Berisha, së bashku me Pako Esteban, vizituan institutin “Polo 1” në Galatina, në kuadër të nismës së klubit “Tutti a scuola!”, që synon forcimin e lidhjeve mes futbollistëve dhe nxënësve të shkollave lokale.

Dy lojtarët u pritën me entuziazëm nga fëmijët, të cilët patën mundësinë t'u drejtonin pyetje për karrierën dhe rolin e sportit. Aktiviteti përfundoi me fotografi dhe autografe.