TË FUNDIT
Kthehu te lajmet
Tjetër

Liga e Kombeve sjell të ardhura edhe për klubet, ja si funksionojnë pagesat e UEFA-s

Liga e Kombeve nuk prodhon të ardhura vetëm për federatat kombëtare. Edhe klubet që lënë futbollistët e tyre në dispozicion të përfaqësueseve përfitojnë financiarisht përmes Programit të Përfitimeve të Klubeve.

Liga e Kombeve sjell të ardhura edhe për klubet, ja si funksionojnë pagesat e UEFA-s

Liga e Kombeve nuk prodhon të ardhura vetëm për federatat kombëtare. Edhe klubet që lënë futbollistët e tyre në dispozicion të përfaqësueseve përfitojnë financiarisht përmes Programit të Përfitimeve të Klubeve.

Për ciklin e Euro 2028, UEFA ka parashikuar një fond total prej 244 milionë eurosh. Nga kjo shumë, 104 milionë euro do të shpërndahen për pjesëmarrjen e lojtarëve në Ligën e Kombeve 2024/25 dhe 2026/27, si dhe në kualifikueset e Europianit.

Ptekst i trashëjesa tjetër, prej 140 milionë eurosh, është rezervuar për klubet që do të lënë futbollistët në dispozicion të kombëtareve gjatë fazës finale të Euro 2028.

Programi njeh financiarisht kontributin e klubeve në kompeticionet ndërkombëtare. Pagesat në kualifikuese llogariten për çdo futbollist dhe për çdo ndeshje, ndërsa gjatë fazës finale përdoret një përllogaritje ditore.

Rreth 4 mijë euro për lojtar dhe ndeshje

Për Ligën e Kombeve dhe kualifikueset, shuma e përllogaritur për ciklin aktual është rreth 4 mijë euro për çdo lojtar të përfshirë në listën zyrtare të një ndeshjeje.

Kështu, nëse një klub ka pesë futbollistë të grumbulluar për të njëjtën sfidë, mund të përfitojë afërsisht 20 mijë euro. Pagesa nuk varet nga minutat e aktivizimit. Futbollisti nuk ka nevojë të zbresë në fushë, pasi mjafton të figurojë në listën zyrtare të takimit.

Sa më shumë lojtarë dhe ndeshje të regjistrohen, aq më e madhe bëhet shuma që përfiton klubi.

Kush përfiton kur lojtari është i huazuar?

Në rastin e futbollistëve të huazuar, pagesa i takon klubit ku lojtari është i regjistruar kur zhvillohet ndeshja ndërkombëtare. Pra, përfitues nuk është domosdoshmërisht klubi që zotëron kartonin.

Mekanizmi i UEFA-s zbatohet për klubet që u përkasin federatave anëtare të saj. Nëse një futbollist europian aktivizohet në një klub jashtë territorit të UEFA-s, ai klub nuk përfiton nga ky program.

Kjo do të thotë se jo të gjithë futbollistët e grumbulluar nga Shqipëria gjenerojnë pagesa për klubet e tyre. Ata që luajnë jashtë konfederatës europiane mbeten jashtë skemës së kompensimit të UEFA-s.