TË FUNDIT
Kthehu te lajmet
Kombëtare

Merr zyrtarisht shtetësinë shqiptare, Kaprile hedh hapin e parë për Kombëtaren

Një emër i rëndësishëm mund t'i shtohet Kombëtares shqiptare.

Merr zyrtarisht shtetësinë shqiptare, Kaprile hedh hapin e parë për Kombëtaren

Një emër i rëndësishëm mund t'i shtohet Kombëtares shqiptare. Portieri i Kaljarit, Elia Kaprile, ka rikthyer vëmendjen te mundësia për të veshur fanellën kuqezi, pasi raportohet se ka kërkuar shtetësinë shqiptare.

Në qendër të kësaj lëvizjeje është partnerja e tij, Emili Toshkollari, me origjinë shqiptare. Sipas raportimeve, kjo lidhje ka ndikuar në vendimin e 25-vjeçarit për të nisur procedurat e marrjes së shtetësisë.

Megjithatë, një pengesë e mundshme mbetet FIFA. Në Itali ka dyshime nëse portieri mund të plotësojë kriteret për të përfaqësuar Shqipërinë, duke qenë se nuk ka lidhje të tjera familjare me vendin tonë.

Kaprile vlerësohet me 12 milionë euro nga faqja e specializuar “Transfermarkt” dhe prej kohësh konsiderohet një prej portierëve me potencial në futbollin italian.

Në të kaluarën, ai ka marrë ftesa nga Kombëtarja e Italisë, por pa arritur të sigurojë një vend në stol gjatë ndeshjeve.

Sa i përket paraqitjeve me Kaljarin, portieri ka treguar një formë të mirë në fillim të sezonit. Në shtatë javët e para të Serisë A, ai kishte pësuar vetëm tri gola përpara humbjes së thellë 4-0 ndaj Monzës, ndërsa në tri takime kishte arritur ta mbante portën të paprekur.

Tashmë, mbetet për t'u parë nëse përpjekja për të marrë shtetësinë shqiptare do të shoqërohet edhe me mundësinë për të përfaqësuar kuqezinjtë. Marrja e pasaportës nuk garanton automatikisht të drejtën për të luajtur me Kombëtaren, pasi vendimi përfundimtar varet nga kriteret e FIFA-s.