TË FUNDIT
Kthehu te lajmet
Kombëtare

Ndryshim në listën e Kombëtares, Feta Fetai ftohet nga trajneri Maran, Qazim Laçi mungon për shkak dëmtimi

Kombëtarja shqiptare ka një ndryshim në grupin e lojtarëve të grumbulluar për ndeshjet e UEFA Nations League.

Ndryshim në listën e Kombëtares, Feta Fetai ftohet nga trajneri Maran, Qazim Laçi mungon për shkak dëmtimi

Qazim Laçi është larguar nga lista e Kombëtares për ndeshjet e radhës në Ligën e Kombeve. Mesfushori pësoi një dëmtim gjatë takimit të djeshëm me Rizesporin dhe do të nisë rehabilitimin pranë klubit të tij.

Sipas Federatës Shqiptare të Futbollit, Laçi ndjeu një dhimbje të fortë në kofshë gjatë ndeshjes. Rezonanca magnetike e kryer mëngjesin e sotëm konfirmoi një dëmtim të shkallës së parë në muskulin fleksor të kofshës së majtë.

Trajneri Rolando Maran ka thirrur Feta Fetain në vend të tij. Fetai pritet t’i bashkohet grupit në vijim dhe të marrë pjesë në përgatitjet për katër sfidat e para të Ligës së Kombeve.

Kuqezinjtë kanë nisur sot grumbullimin për ndeshjet kundër Bjellorusisë, Finlandës dhe San Marinos, me këtë të fundit do të luajnë dy herë.