TË FUNDIT
Kthehu te lajmet
Kombëtare

Nga Kombëtarja drejt Spanjës, klubi i La Ligës vihet pas Hysajt

Elseid Hysaj mund ta vazhdojë karrierën në kampionatin spanjoll

Nga Kombëtarja drejt Spanjës, klubi i La Ligës vihet pas Hysajt

Elseid Hysaj mund ta vazhdojë karrierën në kampionatin spanjoll. Elche po shqyrton mundësinë e afrimit të mbrojtësit shqiptar, sipas raportimeve të “LazioNews24”.

Hysaj është pa skuadër prej disa muajsh dhe mund të transferohet menjëherë si lojtar i lirë. Kjo e bën 32-vjeçarin një mundësi të favorshme për klubin spanjoll, i cili po lufton për të siguruar qëndrimin në La Liga.

Mbrojtësi shkodran zhvilloi paraqitje pozitive me Kombëtaren gjatë ndeshjeve të Ligës së Kombeve. Minutat me kuqezinjtë e ndihmuan të tregonte gjendjen fizike pas një periudhe të gjatë pa aktivizim në nivel klubesh.

Nëse marrëveshja realizohet, Hysaj mund të fitojë menjëherë hapësira te Elche, e cila kërkon të përforcojë repartin defensiv për vazhdimin e sezonit.

Për futbollistin shqiptar është raportuar më parë interes nga klube të Serisë A, Rusisë dhe Shqipërisë. Për momentin nuk ka ende një marrëveshje, ndërsa pritet të shihet nëse interesimi i Elches do të shndërrohet në ofertë konkrete.