TË FUNDIT
Kthehu te lajmet
Kombëtare

Pa minuta me Shqipërinë, Seferi rikthehet në Turqi dhe dhuron spektakël

Taulant Seferi është rikthyer te aktivizimi me Kayserisporin dhe ka lënë menjëherë gjurmë.

Pa minuta me Shqipërinë, Seferi rikthehet në Turqi dhe dhuron spektakël

Taulant Seferi është rikthyer te aktivizimi me Kayserisporin dhe ka lënë menjëherë gjurmë. Sulmuesi shqiptar dhuroi asistin për golin e dytë në përballjen ndaj Manisas, të vlefshme për javën e nëntë të Ligës së Parë turke.

Në minutën e 52-të, Seferi shërbeu Morenon, i cili e dërgoi topin në rrjetë dhe kaloi Kayserisporin në avantazhin 2-1.

Për sulmuesin kuqezi është një rikthim pozitiv në futbollin turk pas grumbullimit me Kombëtaren. Seferi nuk mori asnjë minutë në tri ndeshjet e fundit të Shqipërisë, dy përballjet me San Marinon dhe transfertën ndaj Finlandës.

Asisti ndaj Manisas është përgjigjja e parë e 29-vjeçarit pas mungesës së hapësirave te kuqezinjtë dhe një sinjal pozitiv për vazhdimin e sezonit me Kayserisporin.