TË FUNDIT
Kthehu te lajmet
Kategoria Superiore

Partizani nis përgatitjet për derbin, Bratu punon me grup të cunguar

Partizani ka përfunduar pushimet pas humbjes ndaj Egnatias dhe është rikthyer në stërvitje. Të kuqtë kanë nisur përgatitjet për derbin kundër Tiranës, i vlefshëm për javën e gjashtë të Kategorisë Superiore.

Partizani nis përgatitjet për derbin, Bratu punon me grup të cunguar

Partizani ka mbyllur pushimin pas humbjes ndaj Egnatias dhe është rikthyer në stërvitje. Të kuqtë kanë nisur përgatitjet për derbin kundër Tiranës, i vlefshëm për javën e gjashtë të Kategorisë Superiore.

Seanca e parë u zhvillua në kompleksin sportiv të Dinamos në Arbanë, nën drejtimin e trajnerit Florin Bratu dhe stafit të tij.

“Skuadra ka rifilluar përgatitjet pas disa ditëve pushimi. Grupi është rikthyer në fushë për të vijuar stërvitjet në kuadër të përballjes ndaj Tiranës, e vlefshme për javën e gjashtë të Abissnet Superiore”, njoftoi klubi.

Bratu nuk e ka ende në dispozicion të gjithë skuadrën, pasi disa futbollistë janë të angazhuar me ekipet kombëtare. Mungesat do ta vështirësojnë punën taktike gjatë pjesës së parë të përgatitjeve.

Një tjetër problem lidhet me organizimin e seancave dhe sigurimin e terreneve të përshtatshme. Deri në përfundimin e grumbullimeve të kombëtareve, Partizani do të vazhdojë të punojë larg bazës së tij të zakonshme.

Vëmendja është tashmë te derbi me Tiranën, ku të kuqtë do të kërkojnë reagimin dhe rikthimin te rezultatet pozitive pas humbjes ndaj Egnatias.