Elbasani ka përforcuar repartin e mbrojtjes me një tjetër futbollist të ri. Klubi verdheblu ka zyrtarizuar afrimin e mbrojtësit të majtë nigerian, Joseph Ifeanyi Ikechukwu.
Lojtari ishte prej disa ditësh në stërvitje me skuadrën dhe ka bindur trajnerin Ivan Gvozdenoviç për të fituar një kontratë. Ai do të jetë në dispozicion të stafit teknik për pjesën e mbetur të sezonit.
Ikechukwu ka qenë më parë pjesë e Spartak Suboticës në Serbi, ku është aktivizuar kryesisht me ekipin e të rinjve dhe nuk ka arritur të sigurojë hapësira të rëndësishme në skuadrën e parë.
Mbrojtësi shihet si një alternativë për të ardhmen. Afrimi i tij ndjek politikën e Elbasanit për të afruar lojtarë të rinj, për t’i zhvilluar brenda klubit dhe për t’u krijuar mundësinë që të rritin vlerën e tyre në treg.




