Presidenti i Skënderbeut, Ardian Takaj, ka kaluar një moment të vështirë shëndetësor pas ndeshjes së skuadrës korçare ndaj Dinamos, të zhvilluar këtë fundjavë.
Sipas raportimeve, drejtuesi i klubit ka shfaqur probleme shëndetësore gjatë pasdites së djeshme, duke bërë të nevojshëm transportimin e tij me urgjencë drejt Tiranës.
Mësohet se Takaj i është nënshtruar një ndërhyrjeje kirurgjikale në zemër, por deri tani nuk ka informacione zyrtare për ecurinë e operacionit dhe gjendjen e tij shëndetësore.
Skënderbeu ende pa një njoftim zyrtar
Klubi korçar nuk ka publikuar ende një komunikatë lidhur me situatën e presidentit të tij.
Për momentin, mbeten të panjohura detajet e ndërhyrjes kirurgjikale dhe gjendja aktuale e Takajt pas operacionit.
Pritet që në vijim të ketë më shumë informacion për gjendjen shëndetësore të drejtuesit të Skënderbeut.




