“Abissnet Superiore” rikthehet këtë fundjavë pas ndërprerjes për ndeshjet e Kombëtares. Java e gjashtë do të zhvillohet më 10 dhe 11 tetor, me pesë përballje në program.
Vëmendja kryesore do të jetë në stadiumin “Air Albania”, ku Partizani dhe Tirana do të zhvillojnë derbin e kryeqytetit. Dy rivalët historikë kanë nevojë për pikët e plota pas fillimit të vështirë të sezonit.
Dy ndeshje të shtunën
Java do të nisë të shtunën me dy takime që do të luhen në të njëjtën orë. AF Elbasani do të presë Vorën, ndërsa Teuta kryesuese do të përballet në shtëpi me Skënderbeun.
Të dyja sfidat janë programuar për në orën 18:30.
Derbi mbyll programin e së dielës
E diela do të nisë me takimin Laçi-Egnatia, i cili do të luhet në orën 13:30.
Në orën 18:30 janë planifikuar dy ndeshje të tjera. Vllaznia do të presë Dinamo Cityn në debutimin e Csaba Laszlos në pankinën shkodrane, ndërsa Partizani do të përballet me Tiranën në “Air Albania”.
Kalendari i javës së gjashtë
E shtunë, 10 tetor
AF Elbasani–Vora, ora 18:30
Teuta–Skënderbeu, ora 18:30
E diel, 11 tetor
Laçi–Egnatia, ora 13:30
Vllaznia–Dinamo City, ora 18:30
Partizani–Tirana, ora 18:30




