TË FUNDIT
Kthehu te lajmet
Kategoria Superiore

Rregullorja ndëshkon Egnatian, pesë lojtarë humbasin aventurën europiane

Egnatia është gati për debutimin historik në fazën e ligës të Ligës së Konferencës.

Rregullorja ndëshkon Egnatian, pesë lojtarë humbasin aventurën europiane

Egnatia është gati për debutimin historik në fazën e ligës të Ligës së Konferencës. Kampionët e Shqipërisë do ta nisin rrugëtimin më 15 tetor kundër Midtjyllandit, në orën 18:45, në stadiumin “Air Albania”.

Trajneri Nevil Dede do të ketë vetëm 21 futbollistë të regjistruar në listën europiane, në vend të 25. Shkak është rregullorja e UEFA-s për lojtarët e formuar në klub.

Egnatia nuk ka numrin e nevojshëm të futbollistëve që janë stërvitur në klub për të paktën tre vite ndërmjet moshës 15 dhe 21 vjeç. Për këtë arsye, rrogozhinasit nuk mundën t’i plotësonin të gjitha vendet në listë.

Pesë lojtarë mbeten jashtë listës

Ledio Beqja, Deivid Hoxha, Bjorni Duka, Reis Bakalli dhe Zyber Çullhaj nuk janë regjistruar për fazën e ligës dhe nuk mund të aktivizohen në gjashtë ndeshjet europiane.

Mungesa më e rëndësishme është ajo e Beqjas, i cili u transferua me bujë nga ETO Gyor. Mesfushori ka pasur edhe probleme fizike që prej mbërritjes te kampionët.

Hoxha dhe Duka, të dy të datëlindjes 2007, u afruan gjatë merkatos së verës. Ata përdoren në kampionat për plotësimin e rregullit të lojtarit të ri, por nuk janë përfshirë në listën e UEFA-s.

Jashtë planeve mbetet edhe Sumaila Bakajoko, i cili po vuan një dëmtim të rëndë.

Lista e Egnatias në Ligën e Konferencës

Portierë: Levani Tandilashvili, Bruno Puja, Mario Dajsinani

Mbrojtës: Zamig Aliyev, Alessandro Kacbufi, Edison Ndreca, Guillem Jaime, Numan Ajeti, Elion Sota, Andrey Yago, Eneo Bitri, Geralb Smajli

Mesfushorë: Albano Aleksi, Fernando Medeiros, Ibrahim Diabate, Altin Kryeziu, Karim Loukili

Sulmues: Daniel Adjessa, Alessandro Albanese, Ildi Gruda, Jurguens Montenegro

Trajner: Nevil Dede

Kalendari i Egnatias në Europë

  • 15 tetor 2026: Egnatia-Midtjylland, ora 18:45

  • 22 tetor 2026: Aarhus-Egnatia, ora 21:00

  • 5 nëntor 2026: Universitatea Craiova-Egnatia, ora 21:00

  • 26 nëntor 2026: Egnatia-Lincoln Red Imps, ora 18:45

  • 10 dhjetor 2026: Egnatia-Kauno Zalgiris, ora 21:00

  • 17 dhjetor 2026: Braga-Egnatia, ora 21:00