TË FUNDIT
Kthehu te lajmet
Kombëtare

San Marino prek historinë në Tiranë, Çevoli: “Djemtë meritonin më shumë”

San Marino ishte vetëm pak minuta larg një rezultati historik ndaj Shqipërisë, por penalltia e realizuar nga Kristjan Asllani në shtesë i dha kuqezinjve fitoren 2-1 në Ligën e Kombeve.

San Marino prek historinë në Tiranë, Çevoli: “Djemtë meritonin më shumë”

San Marino ishte vetëm pak minuta larg një rezultati historik ndaj Shqipërisë, por penalltia e realizuar nga Kristjan Asllani në shtesë i dha kuqezinjve fitoren 2-1 në Ligën e Kombeve.

Në kampin shqiptar mbizotëroi lehtësimi pas një ndeshjeje që rrezikoi të kthehej në turpërim. Ndjesia ishte krejt tjetër te San Marino, ku barazimi i humbur në fund solli zhgënjim të madh.

Trajneri Roberto Çevoli vlerësoi paraqitjen e futbollistëve të tij dhe deklaroi se San Marino meritonte të largohej nga “Air Albania” me një rezultat pozitiv.

“Na mbetet një paraqitje e shkëlqyer, por edhe një keqardhje shumë e madhe, sepse djemtë meritonin një rezultat tjetër. Duhet ta kujtojmë këtë ndeshje, pasi rezultatet do të vijnë atëherë kur nuk i presim. Jemi shumë pranë”, u shpreh Çevoli.

Tekniku falënderoi edhe tifozët e grupimit “Mai 1 Gioia”, të cilët kishin udhëtuar nga vende të ndryshme për të mbështetur skuadrën në Tiranë.

“Ata janë të jashtëzakonshëm. Ishin të shumtë edhe këtë herë dhe erdhën nga e gjithë bota për të na ndjekur”, shtoi trajneri.

Çevoli e konsideroi paraqitjen ndaj Shqipërisë si një dëshmi se San Marino po afrohet me objektivin e tij për të marrë rezultate pozitive edhe kundër skuadrave më të forta.

“E treguam ndaj një skuadre të madhe. Shqipëria luante në Ligën B deri para pak vitesh, ndërsa ne jemi ngjitur nga Liga D. Futbollistët shqiptarë aktivizohen në klube të rëndësishme. Një paraqitje e tillë kundër një kundërshtari të këtij niveli duhet të na japë më shumë besim”, përfundoi Çevoli.