Shqipëria do ta vazhdojë aventurën në Ligën e Kombeve me transfertën kundër San Marinos. Ndeshja e raundit të dytë do të zhvillohet të martën, më 29 shtator, në orën 20:45.
Pas fitores 2-0 ndaj Bjellorusisë, kuqezinjtë nisen si favoritë të qartë. San Marino mban vendin e fundit në renditjen e FIFA-s, por Shqipërisë i duhet ta konfirmojë diferencën në fushë.
Tri pikët janë detyrim për skuadrën e Rolando Maranit, ndërsa një fitore bindëse mund të ketë rëndësi edhe për golaverazhin në garën me Finlandën për vendin e parë në Grupin 1 të Ligës C.
Káprály arbitron ndeshjen
UEFA ia ka besuar drejtimin e takimit arbitrit hungarez Mihály Káprály. Për 35-vjeçarin kjo do të jetë ndeshja e parë zyrtare mes kombëtareve.
Káprály ka drejtuar më parë një takim të Shqipërisë. Debutimi i tij në një ndeshje mes përfaqësueseve erdhi më 7 qershor 2024, kur kuqezinjtë mposhtën 3-1 Azerbajxhanin në miqësoren e zhvilluar në “Haladás Stadium”.
Balázs Buzás dhe Péter Kóbor do të jenë asistentët e tij, ndërsa Marcell Derdák është caktuar arbitër i katërt.Në sistemin VAR do të jenë Tamás Bognár dhe Katalin Kulcsár. William Young nga Skocia do të kryejë detyrën e vëzhguesit të arbitrave, ndërsa Rodney Pisani është delegati i UEFA-s.
Shqipëria e nisi kompeticionin me tri pikë ndaj Bjellorusisë. Tani kërkon vazhdimësinë kundër San Marinos, përpara se gara me Finlandën për kreun e grupit të hyjë në fazën vendimtare.




