Kristian Shpendi po kalon një moment të shkëlqyer me Çezenën në Itali, ku paraqitjet e tij janë shpërblyer me një çmim individual. Sulmuesi shqiptar është shpallur “Lojtari i Muajit” për shtatorin në Serinë B, një vlerësim që e merr për herë të parë në karrierë.
Ky sukses vjen në një periudhë kur situata e tij me Kombëtaren shqiptare ka qenë krejt ndryshe. Pavarësisht formës së mirë në kampionatin italian, trajneri Maran i ka dhënë hapësirë vetëm në një ndeshje të Ligës së Kombeve, duke e mbajtur në stol në takimet e tjera, edhe pse kuqezinjtë kanë shfaqur vështirësi në sulm.
Çmimi do t'i dorëzohet Shpendit përpara përballjes mes Çezenës dhe Avelinos, e vlefshme për javën e shtatë të Serisë B.
Statistikat e Opta-s konfirmojnë paraqitjet e sulmuesit gjatë shtatorit. Me katër gola të realizuar, Shpendi renditet mes futbollistëve më produktivë në kampionatet kryesore të Europës dhe kategoritë e tyre të dyta.
Në këtë krahasim, vetëm Rafinja, me shtatë gola, dhe Lamin Jamal, me pesë, kanë regjistruar më shumë realizime se sulmuesi shqiptar gjatë muajit shtator.




