TË FUNDIT
Kthehu te lajmet
Kombëtare

Shqipëria e vajzave sfidon Uellsin, traversa dhe goli i anuluar lënë hapur kualifikimin

Kombëtarja shqiptare e vajzave u mund 1-0 nga Uellsi në stadiumin “Loro Boriçi”, në ndeshjen e parë të raundit play-off për Botërorin 2027.

Shqipëria e vajzave sfidon Uellsin, traversa dhe goli i anuluar lënë hapur kualifikimin

Kombëtarja shqiptare e vajzave u mund 1-0 nga Uellsi në stadiumin “Loro Boriçi”, në ndeshjen e parë të raundit play-off për Botërorin 2027. Pavarësisht humbjes, kuqezezat zhvilluan një paraqitje bindëse dhe mbetën në garë për kualifikimin.

Skuadra e Armir Grimës krijoi disa mundësi për të shënuar, goditi traversën dhe pa t’i anulohej një gol në pjesën e dytë. Gjithçka mbetet e hapur për takimin e kthimit, që do të zhvillohet më 13 tetor në Uells.

Uellsi shënon pas një rrëmuje në zonë

Pjesa e parë ishte e ekuilibruar, me të dyja skuadrat që kërkuan hapësira drejt portës kundërshtare. Shqipëria u shfaq e rrezikshme me Gresa Berishën, Fortesa Berishën dhe Qëndresa Krasniqin, por nuk arriti të konkretizonte.

Uellsi kaloi në avantazh në minutën e 21-të. Rowe përfitoi nga një rrëmujë brenda zonës shqiptare dhe dërgoi topin në rrjetë.

Në minutën e 44-t, trajneri Grima u detyrua të kryente zëvendësimin e parë. Sara Maliqi pësoi një dëmtim dhe ia la vendin Xhesika Ndojit.

Traversa ndal barazimin e Shqipërisë

Kuqezezat rritën ritmin dhe presionin në pjesën e dytë. Mundësia më e mirë i takoi Fortesa Berishës, e cila fillimisht u ndal nga portierja kundërshtare dhe më pas goditi traversën.

Në minutën e 66-të, Qëndresa Krasniqi dërgoi topin në rrjetë, por goli u anulua për pozicion jashtë loje të Fortesa Berishës. Kjo e fundit pati edhe një rast tjetër të mirë, por goditja e saj përfundoi mbi portë.

Uellsi e mbrojti avantazhin deri në fund dhe u largua nga Shkodra me fitoren 1-0. Shqipëria mbetet në garë, ndërsa kualifikimi do të vendoset më 13 tetor, në orën 20:15, në ndeshjen e kthimit.

Shqipëria: Spahiu, Bajraktari, Hilaj, Maliqi, Levenaj, Franja, Gresa Berisha, Metalla, Krasniqi, Fortesa Berisha, Doçi.

Trajner: Armir Grima.