TË FUNDIT
Kthehu te lajmet
Kombëtare

Shqipëria e vajzave shkruan historinë, Grima publikon listën për sfidat “play-off” me Uellsin

Kombëtarja shqiptare e vajzave përgatitet për një moment historik. Për herë të parë, kuqezezat do të marrin pjesë në fazën “play-off” të kualifikueseve të një Kampionati Botëror, ku do të përballen me Uellsin në dy ndeshje.

Shqipëria e vajzave shkruan historinë, Grima publikon listën për sfidat “play-off” me Uellsin

Kombëtarja shqiptare e vajzave përgatitet për një moment historik. Për herë të parë, kuqezezat do të marrin pjesë në fazën “play-off” të kualifikueseve të një Kampionati Botëror, ku do të përballen me Uellsin në dy ndeshje.

Takimi i parë do të zhvillohet më 9 tetor në stadiumin “Loro Boriçi”, duke nisur nga ora 18:00. Sfida e kthimit është programuar për më 13 tetor në Uells, në orën 20:15 me kohën e Europës Qendrore.

Grumbullimi nis në Shkodër

Skuadra e drejtuar nga Armir Grima do të nisë grumbullimin të dielën në Shkodër. Përgatitjet do të zhvillohen në prag të duelit të parë, ku Shqipëria do të kërkojë një rezultat pozitiv përpara ndeshjes së kthimit.

Trajneri ka ftuar 24 futbolliste. Në grup rikthehen Sara Maliqi, Endrina Elezaj, Arvina Nadiar Islami, Klaudia Borci, Florentina Kuqi dhe Qëndresa Krasniqi.

Mungesa kryesore është ajo e mbrojtëses Arbenita Curraj, e cila nuk do të jetë në dispozicion për shkak të dëmtimit.

Një tjetër hap drejt Botërorit 2027

Përballja me Uellsin është pjesë e raundit të parë të “play-off”-it europian për Botërorin e vajzave “Brazil 2027”. Nëse Shqipëria kalon këtë pengesë, në raundin e dytë do të përballet me fituesen e çiftit Rumani-Norvegji.

Kuqezezat e njohin kundërshtarin, pasi u përballën dy herë me Uellsin gjatë fazës së grupeve. Tani nis një histori e re, me dy ndeshje që mund ta afrojnë Shqipërinë edhe më shumë me ëndrrën e pjesëmarrjes në Botëror.

Hyrja për tifozët në “Loro Boriçi” do të jetë falas. Të dyja takimet do të transmetohen drejtpërdrejt dhe ekskluzivisht në FSHF TV.

Lista e Shqipërisë

Portiere: Antigoni Hyska, Rajmonda Spahiu, Klesjana Spaho.

Mbrojtëse: Rexhina Maxhalaku, Sara Maliqi, Alma Hilaj, Endrina Elezaj, Arbiona Bajraktari, Klea Hamonikaj, Xhesika Ndoj, Leonora Dedgjonaj.

Mesfushore: Arvina Nadiar Islami, Ezmiralda Franja, Megi Doçi, Ilarja Zarka, Qëndresa Krasniqi, Mikaela Metalla, Mesuare Begallo, Vanesa Levenaj, Gresa Berisha.

Sulmuese: Fortesa Berisha, Valentina Troka, Klaudia Borci, Florentina Kuqi.