FIFA ka publikuar renditjen e re të kombëtareve pas ndeshjeve të fundit ndërkombëtare. Shqipëria ka fituar një pozicion dhe tashmë renditet e 66-ta në botë, duke lënë pas Hondurasin dhe Kepin e Gjelbër.
Ngjitje edhe më të rëndësishme ka regjistruar Kosova. “Dardanët” kanë përparuar me dy vende dhe janë pozicionuar në vendin e 76-të, që përbën renditjen më të mirë në historinë e përfaqësueses. Rekordi i mëparshëm ishte vendi i 78-të.
Kosova vazhdon kështu rritjen e ndjeshme në klasifikimin botëror. Në fund të vitit 2024 mbante vendin e 99-të, ndërsa brenda më pak se dy vitesh ka fituar 23 pozicione.
Kreu i renditjes vazhdon të mbahet nga Spanja.




