TË FUNDIT
Kthehu te lajmet
Kombëtare

Shqipëria rimerr kreun, vendi i parë hap rrugën drejt Europianit 2028

Shqipëria është rikthyer në krye të Grupit C1 të Ligës së Kombeve dhe tashmë e ka sërish në duart e saj garën për vendin e parë.

Shqipëria rimerr kreun, vendi i parë hap rrugën drejt Europianit 2028

Shqipëria është rikthyer në krye të Grupit C1 të Ligës së Kombeve dhe tashmë e ka sërish në duart e saj garën për vendin e parë. Një pozicion që nuk vlen vetëm për këtë kompeticion, por mund të ndikojë drejtpërdrejt edhe në rrugëtimin drejt Europianit 2028.

Nëse kuqezinjtë e ruajnë kreun deri në përfundim të grupit, sipas projeksionit aktual do të përfshihen në vazon e tretë të shortit të kualifikueseve. Një renditje më e ulët do t’i zbriste në vazon e katërt, duke rritur ndjeshëm vështirësinë e grupit kualifikues.

Fitorja e grupit do t’i siguronte Shqipërisë edhe ngjitjen direkte në Ligën B për edicionin e ardhshëm të Ligës së Kombeve. Po ashtu, vendi i parë do t’u jepte kuqezinjve një mundësi shtesë përmes “play-off”-it të Europianit, nëse kualifikimi nuk arrihet nga eliminatoret e zakonshme.

Edhe Kosova gjendet në një pozicion të favorshëm. Sipas ndarjes aktuale, “Dardanët” janë në vazon e dytë, por duhet ta mbajnë Irlandën pas në ndeshjet e nëntorit për ta ruajtur këtë pozicion.

Ndarja aktuale e vazove

Vazo 1: Spanja, Portugalia, Franca, Anglia, Holanda, Greqia, Italia, Belgjika, Danimarka, Gjermania, Kroacia, Norvegjia.

Vazo 2: Uellsi, Çekia, Serbia, Turqia, Zvicra, Suedia, Austria, Bosnjë-Hercegovina, Sllovenia, Irlanda e Veriut, Hungaria, Kosova.

Vazo 3: Irlanda, Ukraina, Polonia, Skocia, Gjeorgjia, Izraeli, Rumania, Maqedonia e Veriut, Sllovakia, Mali i Zi, Islanda, Shqipëria.

Vazo 4: Bjellorusia, Finlanda, Qipro, Estonia, Bullgaria, Luksemburgu, Ishujt Faroe, Armenia, Moldavia, Kazakistani, Letonia, San Marino.

Vazo 5: Malta, Azerbajxhani, Lituania, Gjibraltari, Andorra, Lihtenshtejni.

Kjo ndarje mbetet një projeksion dhe mund të ndryshojë pas ndeshjeve të fundit të Ligës së Kombeve.