TË FUNDIT
Kthehu te lajmet
Kategoria Superiore

Shtylla shpëton Elbasanin në shtesë, Vora largohet me peng nga “Elbasan Arena”

Elbasani dhe Vora barazuan 1-1 në “Elbasan Arena”, në ndeshjen e vlefshme për javën e gjashtë të “Abissnet Superiores”.

Shtylla shpëton Elbasanin në shtesë, Vora largohet me peng nga “Elbasan Arena”

Elbasani dhe Vora barazuan 1-1 në “Elbasan Arena”, në ndeshjen e vlefshme për javën e gjashtë të “Abissnet Superiores”. Të dyja skuadrat krijuan raste për të fituar, por rezultati mbeti i pandryshuar deri në fund.

Verdheblutë kaluan të parët në avantazh me Mazarin, ndërsa Karrica vendosi baraspeshën përpara pushimit. Vora iu afrua përmbysjes në shtesë, por goditja e Trajkovit u ndal nga shtylla.

Mazari zhbllokon ndeshjen

Elbasani e nisi takimin me synimin për të shfrytëzuar faktorin fushë dhe arriti të kalonte në avantazh falë golit të Mazarit.

Vora nuk u dorëzua pas golit të pësuar. Miqtë shtuan përpjekjet dhe gjetën barazimin me Karricën në fundin e pjesës së parë, duke i dërguar skuadrat në dhomat e zhveshjes me rezultatin 1-1.

Vora ndalet nga shtylla

Të dyja skuadrat kërkuan golin e fitores gjatë pjesës së dytë. Rastet nuk munguan, por portierët u treguan të vëmendshëm dhe ruajtën barazimin.

Mundësia më e mirë erdhi në minutat shtesë. Trajkov provoi ta ndëshkonte Elbasanin, por goditja e tij u përplas në shtyllë. Vendasit shmangën humbjen, ndërsa Vora humbi mundësinë për t’u larguar me tri pikë.

Pas këtij barazimi, Elbasani ngjitet në vendin e katërt me shtatë pikë. Vora arrin në kuotën e pesë pikëve dhe mbetet në vendin e shtatë.