TË FUNDIT
Kthehu te lajmet
Kategoria Superiore

Superiorja nis fazën e dytë, ja pesë sfidat e javës së 10-të

Abissnet Superiore rikthehet këtë fundjavë.

Superiorja nis fazën e dytë, ja pesë sfidat e javës së 10-të

Abissnet Superiore rikthehet këtë fundjavë me javën e dhjetë, që shënon edhe fillimin e fazës së dytë të kampionatit. Pesë përballjet do të zhvillohen më 1 dhe 2 nëntor, me disa duele që mund të ndikojnë drejtpërdrejt në renditje.

Pas nëntë javësh, Egnatia kryeson me 21 pikë, vetëm një më shumë se Teuta. Në anën tjetër të tabelës, Vllaznia dhe Partizani kërkojnë të ndryshojnë ecurinë negative të fillimit të sezonit.

Tirana sfidon kryesuesit, dy duele të tjera të dielën

Faza e dytë do të nisë me përballjen mes Tiranës dhe Egnatias, të programuar të dielën, më 1 nëntor, në orën 13:30.

Rrogozhinasit vijnë pas fitores 1-0 ndaj Teutës, rezultat që i ngjiti në krye të klasifikimit. Nga ana tjetër, Tirana kërkon të rikthehet te tri pikët pas barazimit 1-1 me Dinamon.

Në orën 18:30 do të zhvillohen paralelisht dy takime të tjera.

AF Elbasani do të presë Laçin në “Elbasan Arena”, ndërsa Skënderbeu do të përballet me Vllazninë në Korçë.

Sfida e fundit merr rëndësi të veçantë për shkodranët, të cilët ndodhen në vendin e nëntë me tetë pikë dhe vijnë pas humbjes ndaj Vorës.

Teuta-Partizani mbyll javën e dhjetë

Dy përballjet e mbetura do të luhen të hënën, më 2 nëntor.

Në orën 13:30, Vora do të presë Dinamo City, që e ka mbyllur fazën e parë në vendin e tretë me 16 pikë.

Ndërkohë, në orën 18:30, Teuta do të përballet me Partizanin në stadiumin “Niko Dovana”.

Durrsakët synojnë të reagojnë pas humbjes së parë sezonale ndaj Egnatias, ndërsa Partizani kërkon pikë për t'u larguar nga vendi i fundit i renditjes.

Kalendari i javës së 10-të të Superiores

Data

Ndeshja

Ora

E diel, 1 nëntor

Tirana – Egnatia

13:30

E diel, 1 nëntor

AF Elbasani – Laçi

18:30

E diel, 1 nëntor

Skënderbeu – Vllaznia

18:30

E hënë, 2 nëntor

Vora – Dinamo City

13:30

E hënë, 2 nëntor

Teuta – Partizani

18:30

Me nisjen e fazës së dytë, gara për kreun dhe lufta për t'u larguar nga fundi i klasifikimit pritet të bëhen edhe më të forta.