TË FUNDIT
Kthehu te lajmet
Kombëtare

Superkompjuteri favorizon Shqipërinë, kuqezinjtë me 61,3% mundësi për t’u ngjitur në Ligën B

Kombëtarja shqiptare ka nisur përgatitjet për ndeshjet e Grupit 1 në Ligën C të Ligës së Kombeve. Objektivi i kuqezinjve është i qartë: fitimi i grupit dhe rikthimi në Ligën B.

Superkompjuteri favorizon Shqipërinë, kuqezinjtë me 61,3% mundësi për t’u ngjitur në Ligën B

Kombëtarja shqiptare ka nisur përgatitjet për ndeshjet e Grupit 1 në Ligën C të Ligës së Kombeve. Objektivi i kuqezinjve është i qartë: fitimi i grupit dhe rikthimi në Ligën B.

Këtë synim e kanë konfirmuar si drejtuesit e Federatës Shqiptare të Futbollit, ashtu edhe trajneri Rolando Maran. Edhe parashikimet kompjuterike e vendosin Shqipërinë në pozita të favorshme për ta realizuar.

Sipas simulimeve të “Football Meets Data”, kuqezinjtë janë favoritët kryesorë të grupit, përpara Finlandës, Bjellorusisë dhe San Marinos.

Shqipëria favorite për vendin e parë

Projeksionet parashikojnë që Shqipëria ta mbyllë fazën e grupeve me më shumë se 12 pikë. Kuqezinjtë kanë 47,9% mundësi për të përfunduar në vendin e parë.

Mundësia që skuadra e Maranit të renditet e dyta llogaritet në 31,7%, ndërsa shanset për vendin e tretë janë 20,4%. Vetëm 0,1% e simulimeve e vendosin Shqipërinë në fund të grupit.

Dy rrugët drejt Ligës B

Në total, Shqipërisë i jepen 61,3% mundësi për t’u ngjitur në Ligën B. Kjo përqindje përfshin si promovimin e drejtpërdrejtë, ashtu edhe mundësinë për ta siguruar atë nëpërmjet fazës “play-off”.

Skuadra që fiton grupin ngjitet automatikisht në Ligën B për edicionin e ardhshëm. Vendi i dytë kalon në “play-off”, ku do të përballet me një nga ekipet që përfundojnë në vendin e katërt në grupet e Ligës B.

Sipas modelit, Shqipëria ka 31,7% mundësi për të marrë pjesë në këtë fazë. Kuqezinjtë nisen si favoritë, por parashikimet duhet të konfirmohen në fushë gjatë dueleve me Finlandën, Bjellorusinë dhe San Marinon.