TË FUNDIT
Kthehu te lajmet
Kategoria Superiore

Tirana humbet dy çështje në FIFA, merkatoja e janarit vihet në rrezik

Tirana përballet me një tjetër problem financiar që mund të ndikojë drejtpërdrejt në merkaton e dimrit.

Tirana humbet dy çështje në FIFA, merkatoja e janarit vihet në rrezik

Tirana përballet me një tjetër problem financiar që mund të ndikojë drejtpërdrejt në merkaton e dimrit. Bardheblutë kanë humbur më 2 tetor një tjetër çështje në FIFA për detyrime të prapambetura.

Kjo dosje i shtohet çështjes së regjistruar më 16 shtator, e cila gjithashtu mbetet e pazgjidhur. Tirana renditet mes klubeve shqiptare që janë përballur më shpesh me masa nga FIFA për shkak të konflikteve financiare me ish-lojtarë ose pjesëtarë të stafit.

Klubi duhet t’i mbyllë të dyja çështjet përpara hapjes së merkatos së janarit. Në të kundërt, bardheblutë rrezikojnë të mos kenë të drejtë të regjistrojnë futbollistë të rinj.

Ndërkohë, skuadra po përgatitet për derbin e kryeqytetit kundër Partizanit. Përballja do të zhvillohet më 11 tetor, në orën 18:30, në stadiumin “Air Albania”.