TË FUNDIT
Kthehu te lajmet
Kategoria Superiore

Tre ndeshje në dhjetë ditë, Vllaznia përballë provës së fortë në Superiore

Vllaznia ka përpara një kalendar të ngjeshur dhe me përballje të rëndësishme në “Abissnet Superiore”.

Tre ndeshje në dhjetë ditë, Vllaznia përballë provës së fortë në Superiore

Vllaznia ka përpara një kalendar të ngjeshur dhe me përballje të rëndësishme në “Abissnet Superiore”. Kuqeblutë do të zhvillojnë tri ndeshje brenda dhjetë ditësh, me synimin për të marrë sa më shumë pikë deri në përfundim të fazës së parë.

Seria nis më 18 tetor, në orën 18:30, me transfertën e vështirë ndaj Egnatias. Përballja me kampionët pritet të jetë një test i rëndësishëm për skuadrën shkodrane.

Më 24 tetor, po në orën 18:30, Vllaznia do të presë Tiranën. Kuqeblutë do të kërkojnë të shfrytëzojnë faktorin fushë për të siguruar një tjetër rezultat pozitiv përballë bardhebluve.

Ndeshja e fundit e kësaj serie do të zhvillohet më 28 tetor, kur shkodranët do të udhëtojnë për t’u përballur me Vorën.

Tri sfidat brenda një periudhe të shkurtër do të kërkojnë vazhdimësi, përqendrim dhe menaxhim të mirë të forcave. Për momentin, e gjithë vëmendja e Vllaznisë është te transferta ndaj Egnatias, përpara dueleve me Tiranën dhe Vorën.

Kalendari i Vllaznisë:

  • 18 tetor, ora 18:30: Egnatia–Vllaznia

  • 24 tetor, ora 18:30: Vllaznia–Tirana

  • 28 tetor: Vora–Vllaznia