Vllaznia ka zyrtarizuar afrimin e Andi Hadroj, duke përforcuar repartin e mbrojtjes me një futbollist të Kombëtares shqiptare. Mbrojtësi i djathtë ka arritur marrëveshjen me klubin shkodran dhe është prezantuar si lojtari më i ri i kuqebluve.
Hadroj ishte pa skuadër pas largimit nga Ukraina, ndërsa prej së hënës kishte nisur stërvitjen me Vllazninë. Tashmë, klubi ka konfirmuar zyrtarisht transferimin e tij.
Laszlo zbulon kur do të jetë gati Hadroj
Megjithëse është bashkuar me skuadrën, mbrojtësi nuk do të jetë menjëherë në dispozicion për ndeshjet zyrtare.
Trajneri Laszlo ka bërë të ditur se Hadroj ka nevojë për rreth dy deri në tri javë për të arritur formën optimale fizike.
Kjo do të thotë se shkodranët duhet të presin ende për debutimin e përforcimit të tyre më të fundit.
Vllaznia mirëpret mbrojtësin e Kombëtares
Përmes një njoftimi në kanalet zyrtare, klubi shkodran i ka uruar mirëseardhjen futbollistit.
“Andi Hadroj është kuqeblu!
KF Vllaznia mirëpret Andi Hadrojn, i cili bashkohet me skuadrën për të na ndihmuar në sfidat që kemi përpara.
Mirë se erdhe, Andi! Suksese me fanellën e Vllaznisë!”
Afrimi i Hadroj i jep Vllaznisë një alternativë të re në krahun e djathtë të mbrojtjes, në një moment kur kuqeblutë kërkojnë të përmirësojnë rezultatet në kampionat.




