TË FUNDIT
Kthehu te lajmet
Moshat

Alain Taho në radarët e klubeve europiane, portieri shqiptar synon hapin e radhës tek Interi

Alain Taho po fiton gjithnjë e më shumë vëmendje pas paraqitjeve pozitive me skuadrën Primavera të Interit. Portieri shqiptar është përfshirë edhe në një formacion talentesh të publikuar në rrjetet sociale, përkrah emrave të njohur si Lamine Yamal dhe Ousmane Diomande.

Alain Taho në radarët e klubeve europiane, portieri shqiptar synon hapin e radhës tek Interi

Alain Taho po fiton gjithnjë e më shumë vëmendje pas paraqitjeve pozitive me skuadrën Primavera të Interit. Portieri shqiptar është përfshirë edhe në një formacion talentesh të publikuar në rrjetet sociale, përkrah emrave të njohur si Lamine Yamal dhe Ousmane Diomande.

Taho është 19 vjeç dhe ka një gjatësi prej 193 centimetrash. Përveç sigurisë mes shtyllave dhe kontrollit të zonës, ai vlerësohet edhe për lojën me këmbë dhe kontributin në nisjen e aksioneve nga prapavija.

Cilësitë fizike dhe teknike kanë bërë që portieri shqiptar të ndiqet nga disa klube europiane. Objektivi i tij i afërt, megjithatë, është të fitojë një vend tek Inter U23, skuadra që drejtohet nga Stefano Vecchi.

Interesi për Tahon ishte i pranishëm edhe gjatë merkatos së verës. Lucerna në Zvicër, si dhe Gil Vicente e Tondela në Portugali, ishin mes klubeve që kishin kërkuar informacion për situatën e tij.

Pas sezonit pozitiv me të rinjtë zikaltër, portieri pret mundësinë për të kaluar në futbollin profesionist dhe për të hedhur hapin tjetër në karrierë.