TË FUNDIT
Kthehu te lajmet
Kosovë

E pabesueshme nga Kosova, Malisheva i dërgon ofertë Pep Guardiolës

Një lajm i pazakontë vjen nga futbolli kosovar. Sipas raportimeve të mediave vendase, FC Malisheva i ka paraqitur një ofertë zyrtare Pep Guardiolës, pas largimit të trajnerit spanjoll nga Manchester City.

E pabesueshme nga Kosova, Malisheva i dërgon ofertë Pep Guardiolës

Një lajm i pazakontë vjen nga futbolli kosovar. Sipas raportimeve të mediave vendase, FC Malisheva i ka paraqitur një ofertë zyrtare Pep Guardiolës, pas largimit të trajnerit spanjoll nga Manchester City.

Oferta raportohet se është nënshkruar nga drejtuesi i klubit, Afrim Bytyqi, dhe parashikon një pagë vjetore prej 650 mijë eurosh bruto. Në marrëveshjen e propozuar janë përfshirë edhe disa bonuse të lidhura me rezultatet sportive.

Guardiola do të përfitonte 100 mijë euro nëse Malisheva shpallet kampione e Kosovës. Kualifikimi në Champions League do t’i sillte një bonus prej 300 mijë eurosh, ndërsa kalimi në Europa League dhe Conference League do të shpërblehej përkatësisht me 200 mijë dhe 100 mijë euro.

Nëse Malisheva do të fitonte titullin dhe do të siguronte kualifikimin në Champions League, vlera e përgjithshme e kontratës do të arrinte në 1.05 milionë euro bruto për sezon.

Klubi kosovar është në kërkim të një trajneri pas largimit të Thomas Brdariçit, i cili ka marrë drejtimin e Al-Bukayriyah në kategorinë e dytë të Arabisë Saudite.

Deri tani nuk ka asnjë reagim nga Guardiola apo konfirmim se mes palëve kanë nisur negociata. Për momentin, lajmi kufizohet te oferta që raportohet se është dërguar nga Malisheva, ndërsa mundësia e pranimit të saj mbetet shumë e largët.