TË FUNDIT
Kthehu te lajmet
Kategoria Superiore

Egnatia mbush arkat në Europë, ja sa ka përfituar nga dy barazimet në Conference League

Egnatia vazhdon të grumbullojë pikë dhe të ardhura në UEFA Conference League.

Egnatia mbush arkat në Europë, ja sa ka përfituar nga dy barazimet në Conference League

Egnatia vazhdon të grumbullojë pikë dhe të ardhura në UEFA Conference League. Kampionët e Shqipërisë barazuan 1-1 në transfertë ndaj Aarhusit, në një përballje ku patën mundësi të merrnin edhe fitoren e parë historike në fazën e ligës.

Përveç pikës së fituar në Danimarkë, rrogozhinasit kanë siguruar edhe 133 mijë euro të tjera nga shpërblimet e kompeticionit europian.

E njëjta shumë ishte përfituar edhe një javë më parë, pas barazimit 1-1 ndaj Midtjyllandit. Kështu, vetëm nga rezultatet e dy ndeshjeve të para, Egnatia ka arkëtuar 266 mijë euro.

Megjithatë, skuadra e Nevil Dedes mund të kishte përfituar ndjeshëm më shumë. Një fitore ndaj Aarhusit do t'i sillte klubit plot 400 mijë euro, por rrogozhinasit nuk arritën ta shfrytëzonin mundësinë për të marrë tri pikët.

Tashmë, Egnatia do të kërkojë suksesin e parë në përballjen e ardhshme europiane, ndaj Universitatea Craiova në Rumani, ku përveç rezultatit historik, në lojë do të jetë edhe një tjetër shpërblim i rëndësishëm financiar.