Stavro Pilo është bërë protagonist në ndeshjen mes Shakhtar Donetsk dhe AEK Athens, të vlefshme për raundin e dytë të UEFA Champions League.
Mbrojtësi i Kombëtares shqiptare nisi një depërtim të fuqishëm nga krahu i majtë, kaloi kundërshtarët dhe shërbeu saktë për Majer. Ky i fundit dërgoi topin në rrjetë në minutën e 26-të, duke kaluar AEK-un në avantazh.
Epërsia e miqve zgjati vetëm tetë minuta. Shakhtari fitoi një penallti në minutën e 34-t, të cilën Pedrinho e ekzekutoi saktë për të barazuar rezultatin në 1-1.
Pavarësisht reagimit të vendasve, Pilo la gjurmën e tij në sfidë me një aksion individual dhe një asist të bukur në skenën më të madhe të futbollit europian.




