Vukaj ka qenë një nga protagonistët e Interit në UEFA Youth League, duke shënuar në fitoren e zikaltërve ndaj Shakhtar Donetsk. Futbollisti ka shfrytëzuar mundësinë e dhënë, ndërsa paraqitja e tij ka marrë edhe vlerësimin e trajnerit të skuadrës së të rinjve, Bigica.
Pas përfundimit të takimit, tekniku italian shprehu kënaqësinë për rezultatin dhe u ndal veçanërisht te angazhimi i Vukajt, të cilin e vlerësoi për seriozitetin në stërvitje dhe aftësinë për të përfituar nga minutat në dispozicion.
“Vukaj është një djalë që angazhohet shumë në stërvitje. Ai është i aftë për të shfrytëzuar mundësitë që po i jap”, deklaroi Bigica.
Goli ndaj Shakhtarit përbën një tjetër hap pozitiv për futbollistin, i cili kërkon të fitojë më shumë hapësira në formacionin e Interit Primavera.
Vlerësimi publik nga trajneri është gjithashtu një sinjal inkurajues për Vukajn, që synon të vazhdojë paraqitjet pozitive dhe të forcojë pozitat e tij te skuadra zikaltër.




