TË FUNDIT
Kthehu te lajmet
Moshat

Shqipëria U-17 shpërthen me pesë gola, Mali i Zi dorëzohet në “Loro Boriçi”

Kombëtarja shqiptare U-17 ka regjistruar një fitore të thellë në testin e dytë miqësor ndaj Malit të Zi. Kuqezinjtë triumfuan 5-1 në stadiumin “Loro Boriçi”, duke konfirmuar paraqitjen pozitive të bërë edhe në takimin e parë, i cili ishte mbyllur në barazim 2-2.

Shqipëria U-17 shpërthen me pesë gola, Mali i Zi dorëzohet në “Loro Boriçi”

Kombëtarja shqiptare U-17 ka regjistruar një fitore të thellë në testin e dytë miqësor ndaj Malit të Zi. Kuqezinjtë triumfuan 5-1 në stadiumin “Loro Boriçi”, duke konfirmuar paraqitjen pozitive të bërë edhe në takimin e parë, i cili ishte mbyllur në barazim 2-2.

Skuadra e drejtuar nga Armand Dama e nisi ndeshjen me Rei Shpuzën në portë dhe me Aend Cekrezin, Drion Ibrahimin, Rian Nezajn, kapitenin Jon Ajvazi, Sebastian Sinën, Eldin Veliun, Lorent Zharën, Klevis Bashën, Rajan Dybelin dhe Gentian Sharkën në formacionin titullar.

Shqipëria mori kontrollin e lojës që në pjesën e parë dhe kaloi në avantazh në minutën e 21-të. Gentian Sharka finalizoi aksionin e kuqezinjve, duke dërguar skuadrën në pushim me epërsinë minimale.

Katër gola në pjesën e dytë

Kuqezinjtë e rritën ritmin pas pushimit dhe gjetën golin e dytë në minutën e 48-të me Jon Ajvazin. Vetëm pesë minuta më vonë, Sebastian Sina shënoi për 3-0, duke e vendosur ndeshjen në kontrollin e plotë të Shqipërisë.

Dominimi vazhdoi edhe në minutat e fundit. Albion Muji realizoi golin e katërt në minutën e 77-të, ndërsa Haxhi Rrena e çoi rezultatin në 5-0 katër minuta përpara përfundimit të kohës së rregullt.

Mali i Zi shënoi golin e vetëm në minutën e 87-të me Matija Sutjen, pa e vënë në diskutim suksesin e kuqezinjve.

Me fitoren 5-1, Shqipëria U-17 e mbylli serinë e dy miqësoreve ndaj Malit të Zi me një barazim dhe një triumf bindës.