Kombëtarja shqiptare U-19 bëhet gati për raundin e dytë të kualifikueseve të Kampionatit Europian, ku do të kërkojë ngjitjen në Ligën A për edicionin e ardhshëm.
Kuqezinjtë janë pjesë e Grupit B6 në Ligën B, së bashku me Qipron dhe Armeninë. Të dyja përballjet do të zhvillohen në nëntor, në stadiumin “Sotira Municipal Stadium”.
Ndeshja e parë e Shqipërisë U-19 është programuar më 11 nëntor, në orën 13:30, kundër Qipros. Tri ditë më vonë, më 14 nëntor, kuqezinjtë do të zbresin sërish në fushë, këtë herë përballë Armenisë, në të njëjtin stadium dhe në të njëjtën orë.
Këto dy takime do të përcaktojnë ecurinë e Shqipërisë në Grupin B6, ku objektivi kryesor mbetet sigurimi i një vendi në Ligën A për ciklin e ardhshëm kualifikues.
Kalendari i Shqipërisë U-19 në Ligën B
11 nëntor, ora 13:30
Shqipëri – Qipro
Stadiumi: Sotira Municipal Stadium
14 nëntor, ora 13:30
Armeni – Shqipëri
Stadiumi: Sotira Municipal Stadium




