Ka përfunduar në barazim 1-1 pjesa e parë e derbit mes Partizanit dhe Tiranës në stadiumin “Air Albania”. Bardheblutë kaluan shpejt në avantazh, ndërsa të kuqtë reaguan përpara pushimit.
Tirana zhbllokoi sfidën që në minutën e shtatë. Redon Xhixha lëshoi një goditje të fuqishme me të majtën nga jashtë zonës, duke e dërguar topin në fundin e rrjetës.
Partizani kërkoi golin e barazimit dhe e gjeti në minutën e 36-të. Xhuljano Skuka dha një asist të saktë për Himallarin, i cili shënoi me portën e boshatisur dhe riktheu ekuilibrin.
Pas 45 minutave të para, derbi mbetet plotësisht i hapur. Të dyja skuadrat do të kërkojnë golin e fitores në pjesën e dytë, në një përballje me rëndësi të madhe për renditjen dhe rivalitetin kryeqytetas.
Partizani 1-1 Tirana
Golat: Himallari 36’ / Xhixha 7’




