TË FUNDIT
Kthehu te lajmet
Kombëtare

Shqipëri-San Marino, formacioni zyrtar i kuqezinjve

Shqipëria përballet këtë të martë me San Marinon në stadiumin “Air Albania”, me synimin për t’u rikthyer menjëherë te fitorja pas humbjes 2-1 në transfertë ndaj Finlandës.

Shqipëri-San Marino, formacioni zyrtar i kuqezinjve

Shqipëria përballet këtë të martë me San Marinon në stadiumin “Air Albania”, me synimin për t’u rikthyer menjëherë te fitorja pas humbjes 2-1 në transfertë ndaj Finlandës.

Kuqezinjtë kanë regjistruar dy fitore dhe një humbje në tri ndeshjet e para të Ligës së Kombeve. Me 6 pikë, skuadra e Rolando Maranit renditet në vendin e dytë të grupit, një pikë pas Finlandës kryesuese.

Objektivi mbetet vendi i parë, ndaj Shqipërisë i duhen patjetër tri pikët. Një fitore me rezultat të thellë mund të vlejë edhe për përmirësimin e golavarazhit, që mund të marrë rëndësi në llogaritë përfundimtare.

San Marino e ka nisur këtë edicion me tri humbje dhe ende nuk ka shënuar. Kundërshtari i kuqezinjve nuk fiton prej 17 ndeshjesh ndërkombëtare, periudhë gjatë së cilës ka regjistruar një barazim dhe 16 humbje, me 6 gola të shënuar dhe 63 të pësuar.

Edhe bilanci i përballjeve direkte është plotësisht në favor të Shqipërisë. Kuqezinjtë kanë fituar të pesta ndeshjet ndaj San Marinos pa pësuar gol. Takimi i zhvilluar në shtator përfundoi 3-0 për skuadrën e Maranit.

Pak para fillimit të sfidës është publikuar edhe formacioni zyrtar i Shqipërisë.

Formacioni zyrtar

Shqipëria: Dajsinani, Hysaj, Mitaj, Gjimshiti, Ismajli, Asllani, Shehu, Pilo, Hoxha, Muçi, Manaj.