TË FUNDIT
Kthehu te lajmet
Kombëtare

Superkompjuteri nuk ka dyshime, kuqezinjtë me shanse dërrmuese për fitore

Kombëtarja shqiptare zhvillon sot ndeshjen e katërt në Grupin C1 të Ligës së Kombeve, ku përballë do të ketë San Marinon në stadiumin “Air Albania”.

Superkompjuteri nuk ka dyshime, kuqezinjtë me shanse dërrmuese për fitore

Kombëtarja shqiptare zhvillon sot ndeshjen e katërt në Grupin C1 të Ligës së Kombeve, ku përballë do të ketë San Marinon në stadiumin “Air Albania”.

Diferencat mes dy përfaqësueseve janë të mëdha dhe kuqezinjtë konsiderohen favoritë absolutë për të marrë tri pikët. Përveç fitores, nga skuadra e Rolando Maranit pritet edhe një rezultat i thellë ndaj ekipit që mban vendin e fundit në renditjen e FIFA-s.

Parashikimet e kompanisë së njohur të statistikave sportive “Opta” e konfirmojnë epërsinë e Shqipërisë. Sipas simulimeve të kryera nga superkompjuteri, kuqezinjtë kanë 93.8% mundësi për ta fituar ndeshjen.

Mundësia që takimi të mbyllet në barazim vlerësohet vetëm në 4%, ndërsa San Marinos i jepen 2% shanse për të shkaktuar surprizën në Tiranë.

Pavarësisht parashikimeve, Shqipërisë i duhet ta tregojë epërsinë në fushë dhe të marrë një fitore që mund të ketë rëndësi edhe për golavarazhin në garën për vendin e parë të grupit.